ده‌ست خه‌تێ نڤیسینێ نیشانێ كه‌ساتیا وی مرۆڤی یه، لێ گه‌له‌ك جارا گه‌نگه‌شه دهێته‌كرن كا بۆچی نوژدارێت مه پیته‌ی ب ده‌ست خه‌تێ خو ناده‌ن وهنده‌ك جارا نوكته وكاریكاتێر لسه‌ر هاتینه درۆستكرن وچه‌ند كه‌سه‌ك ژی هه‌نه ده‌ستێ تاوانباریێ دریژدكه‌ن به‌ره‌ڤ وان نوژدارا گوایه ڤێ چه‌ندێ تشته‌ك ڤه‌شارتی ل پشت هه‌یه!!
ودناڤبه‌را ڤان هه‌میاندا من دڤیا وه‌ك نوژداره‌ك شرۆڤه‌كرنه‌كێ دیاربكه‌م لسه‌ر نه‌ڕێك وپێكیا ده‌ست خه‌تێ نۆژدارا ومن دیت ئه‌گه‌رێن ڤێ دیارده‌یێ ئه‌ڤه‌نه:
1. پیته‌نه‌دان ب هونه‌ر وزانستێن مرۆڤاتی بشێوه‌كێ گشتی دناڤ جڤاكێ مه‌‌دا وچینێ نوژدارا به‌شه‌كه ژ ڤی جڤاكی.
2. ل ده‌مێ قوتابخانا سه‌ره‌تایی ودواناوه‌ندی ده‌ست خه‌تێ نڤیسینێ چ بهایه‌ك بۆ نه‌بویه، و نوژدار هه‌می ئه‌و قوتابیێت زیره‌ك بوینه كۆ هه‌رده‌م پیته ب وان كاران دایه ئه‌وێن نمرێن وانا زێده‌دكه‌ن ونه‌ڤیایه ده‌مێ خۆ ب كارێن بێ بهاڤه ببه‌ن.
3. وانێن كولیژا پزیشكی بشێوه‌كێ گه‌له‌ك بله‌ز دهێنه گوتن كۆ له‌وانه‌یه 6-10 لاپه‌ڕێن A4 بهێنه نڤیسین د ئێك وانه‌دا!! ویاخویایه كۆ هه‌روه‌ختێ جه‌م (كوانتیتی) زێده‌دبیت لبه‌رامبه‌ردا كوالیتی لاوازدبیت، وئه‌ڤێ چه‌ندێ كارتێكرن لسه‌ر جوانیا ده‌ست خه‌تێ وی كه‌سی كریه ته‌نانه‌ت پشتی كوتایی هاتنا زانكویێ ژی.
4. لاسایكرنا نوژدارێن نوی خلاسبوین ب نوژدارێن دێرین وپسپۆڕ، كۆ وه‌سا دهێته هزركرن ده‌ست خه‌تێ خاروڤیچ د وه‌سفكرنا ڕاچێتان دا نیشانێ زیره‌كیا وی نوژداری یه، و ل بیرا منه ده‌مێ من ئێكه‌م ڕاچێت نڤیسی بۆ هه‌ڤاله‌كی ب ده‌ست خه‌ته‌كێ جوان گوته من (وئامۆژگاری ل من كر!!) :چ ده‌رمانخانه‌ك باوه‌رناكه‌ت كۆ ئه‌ڤ ڕاچێته یا نوژداریه!!
5. زوربوونا ژمارا نه‌ساخان بتایبه‌تی ل نه‌خوشخانێن فه‌رمی وكلینیكێن مللی فاكته‌ره‌كێ گرنگ بویه ژبوی نه ڕێك وپێكیا ده‌ست خه‌تی، چونكی ئێك نۆژدار چێدبیت رۆژانه 50-70 نه‌ساخان ب پشكنیت وهنده‌ك جارا ل سه‌دا ژی دبۆریت، ودێ نوژدار نه‌چاربیت بله‌ز بنڤیسیت وپیته‌ی ب ده‌ست خه‌تی نه‌ده‌ت ژبه‌ر نه‌بوونا وه‌ختی.
6. ناڤێن ده‌رمانان وئایتمێن لسه‌ر ڕاچێتا دهێنه نڤیسین یێت ده‌ست نیشانكرینه ود ئاشكرانه بۆ ته‌ڤ ده‌رمانسازا له‌وما نۆژدار ب گرنگ نزانیت ده‌ست خه‌تی جان بكه‌ت.
7. چێدبیت هنده‌ك خه‌لك وه‌سا هزردكه‌ن كۆ هۆكارێ ڤێ دیاردێ دزڤڕیته‌ڤه بۆ په‌یوه‌ندیا نێڤبه‌را نوژدار وده‌رمانسازی دا ژبوی نه‌ساخ نه‌شێت ده‌رمانان وه‌ربگریت ل هه‌می ده‌رمانخانان بتنێ ل وێ ده‌رمانخانا دیاركری نه‌بیت كۆ نۆژدار تێدا یێ موسته‌فیده وبتنێ ئه‌و دشێن ژ ده‌ست خه‌تێ وی تێبگه‌هن، لێ ب هزرامن ئه‌ڤ بووچوونه یا ڕاست نینه (هه‌رچه‌نده یا دیر نینه لده‌ڤ چه‌نده‌كا هه‌بیت لێ زور زور یا كێمه!!) چونكی ئه‌و شێوازێ نڤیسینێ هه‌مان ده‌ست خه‌ته ئه‌وێ وی نوژداری دنڤیسی پێشی ببیته نوژدار وهه‌مان ده‌ست خه‌ته یێ د ناڤ نه‌خوشخانێ دا كارپێدكه‌ت، ویا دووێ خه‌لك ناهێته سنوورداركرن یان مه‌جبوركرن پێگیریێ ب ده‌رمانخانه‌كا دیاریكری بكه‌ت بتایبه‌تی دڤی سه‌رده‌می دا.
ئه‌ڤه شرۆڤه‌كرنا منه بۆ هۆكارێن ڤێ دیاردێ ودخازم ئه‌و هه‌ڤالێن ڤی پۆستی ڤه‌دخوینن بووچوونا خو دیاركه‌ن، ئه‌رێ كیش خال تۆ دبینی هوكاره؟
ليست هناك تعليقات:
إرسال تعليق