و دوعايا بو كه سئن وسا دل باقز و نازك و خودان سوز وبريار...براستي ده مئ من خاندي زبلي رونكا ج نه كه ته سه ر دئمئ من بس رونك .. ))
شه‌ڤا ئاهه‌نگێ يه،.... دووماهيا شه‌ڤێ يه،
گه‌له‌ك قه‌ره‌بالغه، دبێژن بووك يا چوويه ژوور جلكێن خوه بگوهۆريت، هندي چاڤه‌رێ مان نه‌زڤري، ده‌ر ژي يێ قوفل كري و زاڤا ژي گه‌له‌ك يێ بخه‌مه هنده دێ ژ خه‌مان دا دين بيت.
دايك و بابێن وێ ل پشت ده‌ري دكه‌نه گازي: مريه‌م، كچا من ده‌ري ڤه‌كه مريه‌ما جان تويا ب سلامه‌تي؟؟؟ زاڤا بزاڤێ دكه‌ت ده‌ري بشكێنيت و دچنه ژوورڤه. مريه‌ما نازداركري وه‌كي بووكه‌كا جوان ل نيڤه‌كا ژوورێ يا نڤستي، جلكێن وێ يێن بووكينيێ دگه‌ل خوينێ يێن بووينه ئێك، به‌لێ سه‌ر لێڤێن وێ گرنژينه! هه‌مي حێبه‌ت گرتي يێ سه‌ح دكه‌نێ، بره‌خ ده‌ستێ مريه‌مێ ڤه كاغه‌زه‌كه دگه‌ل خوينێ، بابێ مريه‌مێ دچيته نێزيك. هێشتا ئه‌و تشتێ دبينيت باوه‌ر ناكه‌ت. ب ده‌ستێن له‌رزين ڤه كاغه‌زێ رادكه‌ت، ڤه‌دكه‌ت و دخوينيت: سلاڤ عه‌زيزێ من. ئه‌زا بۆ ته نامه‌كێ دنڤێسم، دووماهيك ناما ژيانا من. ل ڤێرێ دووماهيكا ژيانا منه. خوزي ته ئه‌ز ب جلكێت بووكينيێ ڤه ديتبام، مانه هوسايه هه‌مي گاڤا مرادا ته بوو؟!
عه‌لي جان ئه‌زا دچم. ئه‌زا دچم دا بزاني هه‌تا دووماهيكێ ل سه‌ر ئاخفتنا خۆ مام. تو دبيني عه‌لي جاره‌كا دي من شيا دگه‌ل ته باخڤم. ته ديت من د گۆته ته جاره‌كا دي دێ ل گه‌لێك ئاخڤين، به‌لێ خوزي من ژي ئاخفتنێن ته گوه لێ ببان، ئه‌زا دچم چونكي من سيندا خاري، ته ژي يا خاري، ل بيرا ته‌يه؟! من گۆت بوو يان تو يان مرن، ته‌ژي يا گۆتي، ل بيراته‌يه؟
عه‌لي تو ل ڤێرێ نيني، ئه‌زا ب جلكێت بووكينيێ مه. به‌لێ تو ل كيڤه‌ي؟! زاڤايێ دلێ من تويي، بوچي ناهێيه بره‌خ من ڤه. خوزي تو ل ڤێرێ باي دا بيني مريه‌ما ته چاوا كراسێ بووكينيێ دگه‌ل خوينا ره‌هێن خۆ تێكه‌ل دكه‌ت. خوزي تو لڤێرێ باي و ته ديت با، مريه‌ما ته هه‌تا دوماهيێ ل سه‌ر ئاخفتنا خۆ مابوو.
عه‌لي ل بيرا منه كا چاوا مه‌زنێت مه، ئه‌وێت ئه‌م هه‌مي ژيانا وان بووين، پێ ل دلێت مه هه‌ردووكا دانان، ل بيرا منه ئه‌و رۆژا بابێ ته تو ژ مال كريه ده‌ر و گۆتي هه‌كه ته بڤێت ب تنێ بژي بۆ خوه بينه. ل بيرا منه ئه‌و روژا بابێ من شه‌ق ل ته داي كو ته ماف نينه تو ناڤێ وێ ژي بيني، ل بيرا ته يه من وێ روژێ چه‌ند كره گري، ته چاڤێت من پاقژ كرن و ته د گۆت تو دكه‌يه گري چاڤێن ته دێ جوانتر لێ هێن! ته دگوت دا بكه‌نم.
عه‌لي نوكه وه‌ره دا ببيني كا چاڤێن من تێرا خۆ جوان بينه يان هێشتا بكه‌مه گري؟! هێشتا ل بيرا منه ئه‌و رۆژا بابێ ته تو فرێكريه باژێره‌كێ بياني دا چاڤێن ته ب چاڤێن من نه‌كه‌ڤن، به‌لێ نه د زاني عه‌شقا ته يا د دلێ من دا، نه د چاڤێن مندايه.
دێ ل ڤێرێ ب دووماهي ئينم، بۆ مرنێ ژي ئه‌ز مووله‌تێ ژ بابێ خوه ناوه‌رگرم. عه‌لي خوزي تو ل ڤێرێ باي و ته ديتبا ره‌نگێ سورێ خوينێ دگه‌ل ره‌نگێ سپي يێ كراسێ بووكينيێ چه‌ند ژ من دهێن. عه‌زيزێ من ئێدي ئه‌ز نه‌شێم بنڤێسم. ئه‌ز گه‌له‌كا ژ ته خه‌ريب بوويم. من دڤێت ته ببينم ده‌ستێن من يێت له‌رزن، سه‌روچاڤێن ته يێ ل پێش چاڤێن من. ده‌ستێ من بگره, ئه‌ز ژي دێ دگه‌ل ته هێم.
نامه يان ل ناڤ ده‌ستێن بابێ مريه‌مێ دا، پشتا وي شكه‌ست يێ ل هنداڤ سه‌رێ ته‌رمێ كچا خوه دكه‌ته گري. سه‌رێ خوه راكر، دابێژيته خه‌لكي ئه‌ڤه چ چێ بوويه به‌ژنه‌كا بلند دبينيت، بابێ عه‌لي بوو ئه‌وي ژي نامه‌يه‌ك يان ده‌ستێن وي دا.چاڤێن وي ژي دسورن، سه‌ر و چاڤێن وي دگه‌ل روندكا يێن بووينه ئێك. چاڤێن وان كه‌فتنه ئێك گه‌له‌ك ئاخفتن هه‌بوون هه‌ر دوو بێده‌نگ مان و سه‌ح دكره ئێك و دوو، ئه‌و بێده‌نگي گازيا ده‌ردێن وانا بوو. بابێ عه‌لي ژي هاتبو دا ناما كورێ خوه بگه‌هينيته مريه‌مێ و بێژيتێ كورێ وي ئاخفتنا خوه بجه ئينا، به‌لێ دره‌نگ هاتبوو، نوكه هه‌موو تشت ب دووماهي هاتبون، په‌رتوكا عه‌شقا عه‌لي و مريه‌مێ يا هاتيه گرتن و به‌ره‌ڤ وه‌غه‌ره‌كا بێ دووماهيك چوون.
ليست هناك تعليقات:
إرسال تعليق